شامبانيا سعودي

السلام عليكم ()
مساءء الخيرات
كيفكم إن شاء الله تمممام

تدوينه سريعه مره وبدون صور :( عارفين انو نسيت الباسوورد حق جهازي دعواتكم يشتغل مخي واتذكره

الاغراض اللي نحتاجها
1/سفن
2/هولستن تفاح
1/هولستن توت
1/هولستن فراوله

طبعا هذا حق جيك واحد نخلطهم سوا وبعدين نحط شوي نعناع + قطع تفاح + قطع ليمون

وبس مشروب العافيه حبايبي
♥ ♥ ♥

Chocolate Brownie ♥

السلام عليكم

صباح السعاده ♥

ازيكو ؟ ياربي بخير

طبعا بدت الاختبارات والهم الله يعين ياربي ويوفقني ويوفقكم وبنات المسلميييين

امممم مين اللي زيي يحب البراوني *فيس يصيح* وكذا تجيها اوقات تشتهيه :(

لي كم يوم مشتهيه براوني ♥  فجلست احووس الى ماحصلت طريقه سهله ولزيزه

المقادير :

• 2: كوب دقيق

• ربع كوب كاكاو بودره

• ربع كوب سكر ناعم

• 2 أو 3 بيض

• جالكسي تشوكلت

• بيالة مويه << نسيت اصورها :P

• ايسكريم فانيليا

• خل ( قدر الغطاء حقه )

• بودره الفانيليا

للتزين : هرشيز + عين الجمل

الطريقه :  تجيبين صحن كبير وتحطين فيه كل المقادير ماعدا الجالكسي , طبعا الخل و الفانيليا عشان تروح ريحة البيض اذا مو حابتهم لاتحطينهم .. بعدين تخفقينهم << يارب الكلمه صح , الى مايصير خليط متماسك بعدها تذوبين الجالكسي في حمام مائي كذا نكون خلصنا الخطوه الاولى

بعدها تجيبين الصينيه اللي تبغين تحيطين فيها وتدهنينها بشوي زيت عشان مايلزق .. انا حطيتها في صحون الالمنيوم هذي : (هنا)

 تصبين الطبقه الاولى من الخليط بعدين فوقها طبقة جالكسي بعدين طبقه ثانيه من الخليط  وتدخلينها الفرن من تحت 10 دقايق  بعد ماتطلعينها تقطعينها و تحطين عليها الايسكريم والهرشيز وعين الجممل وبس خلصننننا  ♥♥♥♥ ")

 

ملاحظه : اذا بتحطينها بصحون المنيوم تدهنينها بزيت وإذا طلعتيها وهي حاره اقطعي الصحن واقلبيها

يلا جربوها وفرجوني كيف صارت معاكم ♥

وبالعافيه حبايبي ♥♥

 

 

 

 

 

 

 

 

 

فوتشيني غير ♥

 

السلام عليكم

مساء الاربعاء السعيد .. ♥

 

كيفكم ان شاء الله تمام .. طبعا اول تدوينه لي وقلبي يرقص سامري وأنا اكتب ههههههههه مدري وش جاه

ويارب تستفيدون مني ..

اول شيء قبل ما ابدأ ومن باب انو من لايشكر الناس لايشكر الله

أشكر حبيبة قلبي قورجس , شكككرا قد الدنيا شيوم جد عطيتيني دافع قوي  انو اكتب وأدون    ♥  ♥

 

اممم بما إني أعششق الاكل الايطالي حبيت أبدآها بفوتشيني .. طبعا سويتها بأسهل وأسرع طريقه أعتقد

 

المقادير :

 

• فوتشيني

• كريمة خفق

• دجاج فيليه

• فلفل بارد

• بصل

• مشروم

• جبن سايل

الطريقه : اول شي سويته قطعت الدجاج والفلفل والبصل وحمستهم سوآ بعدها سلقت الفوتشيني سلق عادي

بعد ماخلصت حطيتها بالصينيه وحطيت حمسة الدجاج والمشروم وحركتهم بعدها حطيت الجبن و كريمة الخفق امممم

طبعا انا ماكثرت بس يوم خلصت ندمت انو ماكثرت حسيتها بتطلع الذ لو كثرت الكريمه المهم بعدها دخلتها بالفرن من تحت يمكن هيك عشر دقايق وبس طلعتها .. يارب شرحي مفهوم احس اني جالسه اسولف :P 

 

 

 وبالعافيه حبايب ألبي    ♥